ما قيت ما نعمل نستنى في صحابي بش نخرجوا نكملوا السهرية اللي ظاهرلي بش تولي صبحية ..قلت نكتب تدوينة نبلور فيها صفة الذاتية اللي نعتوني بيها برشة عباد في الفايس بوك و قالولي مدونتك يغلب عليها استبطانك لنفسيتك اكثر من عرض لافكارك ...ما عليناش انا في ها الليلة المجيدة اخترت بش نحكي على روحي ..بش نحكي على حالة الريبية اللي وصلتلها و حالة الشك في كل شي... في الاه و في الاديان و في نفسي..قداش الدنيا تتبدل يا بو قلب ..على قدر ما كنت تقي و شادد ببوشتي و نعشق دين الاسلام و نفد من شكون يقوم بازدراؤو قدامي و لا شكون يربرب قدامي ..زبي ما نحملش شكون يحل فمو و يجبد الذات الاهية بالخايب و لا يتهم الاسلام باي تهمة تطيح من قيمتو كدين سماوي جاء بش يكمل مكارم الاخلاق ...بصراحة كنخزر ال روحي توة و قبل باشهر نبهت ..نقول شوف الانسان قداش يتبدل في فكرو و عقيدتو و في قناعاتو ..بعد ما عدا فترة هامة يكرع من شتى ضروب الدغمائية و هو مكبل بالعادة و ما يمارس في حتى نشاط يخرجوا من حالة السبات الوثوقي اللي كان راقد فيه ...صدقوني كنت نعشق دين الاسلام ..نموت على كتب الدعاء و اللي حفظت منهم برشة ..نرى في الانسان المصلي انسان مثالي ما يغدرش و ما يعملش الدوني لغيرو ...كنت نحط المسبحة بحذا راسي في الليل و لا نسبح بصوابعي و نشد في "اللهم صلي و سلم وبارك على سيدنا محمد"و نشد ليلة كاملة و انا نحاول نقولها 1000مرة خاترني طامع بش نغفر ذنوبي و لو كانت على عدد اوراق الاشجار..نقوم في الليل نصلي قيام الليل و نصلي الصبح حاضر ..3 سنين بدون انقطاع و انا نحاول نحافظ على صلاتي و نمشي للجامع رغم تحذير العائلة الكريمة من مغبة الوقوع في شراك الخوانجية و الغوص معاهم في نقاشات بيزنطية تنجم تعملي غسل دماغ...دارنا ما يحبونيش نتفرج في قناة المنار وقتلي كنت في الابتدائي ..برشة اصدقاء العايلة يبداو يتغامزوا علي وقتلي يجيو بش يتقهوجو و يعملو السهريات الخمرية الفاخرة متاعهم يراوني بش نخرج للشارع يبداو يضحكوا "شنوة قاصد ربي للجامع ..رد بالك يتنقض عليك الوضوء" و يشيخو بالضحك ..ما نحكيلكمش على علاقتي بالجنس الاخر كيفاه كانت....قداش كنت نضحك برجولية ..تتعدى طفلة في الشارع نهبط عيني زعمة زعمة غض من الابصار..كانت الفتاة او المرأة المتحجبة ياسر مقامها عالي عندي..نرى فيها المرأة الصالحة و التقية اللي تفهم دينها و ما تطيحش في الخطيئة ..كنت نجري وراء الوالدة بش تتحجب ..ياسر كنت نضحك بصراحة ..عديت طفولتي نقري في قصص الانبياء (نتذكر كتاب ابن كثير قريتو الكل و انا سادسة ابتدائي)و قصص السيرة النبوية و زوجات الرسول ...كنت نسأل الوالد على كنائس روسيا هل هي كاتوليكية ولا اورتودكسية و كانت اجابتو لنو الاتحاد السوفياتي ما كانوش عاطين اهمية للدين و اللي السوفيات ما يستعرفوش بحاجة اسمها ربي ...قعدت باهت كيفاش هوما في اوروبا اللي اغلبيتها مسيحية و هوما ما يمنوش بالخالق؟؟؟؟
تعدات فترة الطفولة و تعدات فترة لاباس بيها من المراهقة..حتى هبطت علي مجموعة من الاسئلة اللي طرحتها على استاذة الاسلامية و ما عطاتنيش اجابة كافية وشافية كيما
توة كيفاش ربي يعرف كل شي علينا و مباعد يحاسنا على اعمالنا؟؟؟؟؟؟
تقولي الاستاذة قال ربي "فالهمها فجورها و تقواها"...توة هاذي اجابة ؟؟؟؟
قلت بلاكشي انا لها الدرجة بوهالي و اسئلتي مل حيط؟؟؟
و مباعد كي طحت نقرى على علم الكلام و الاشاعرة و المعتزلة اكتشفت اللي موش انا بوهالي خاتر مسالة تخيير وتسييير الانسان كان مشكل عند رواد الفلسفة الاسلامية
نكمل نحكي على الاسئلة الللي بدات تبعد في على ديني الفطري بشوية بشوية ...طحت نقرى على الفلاسفة في الفترة ما قبل سقراطية و في الحضارة الهلينتسية امثال مارك اورال و ابيكور و ديوجان و نشوف في فن العيشة متاعهم االي عجبني ياسر و طريقة تفكيرهم و طحت نقرى على الوجودية بداية من كتاب "الوجودية مذهب انساني" لسارتر و ناقش فيه بقلم رصاص بمرجعية اسلامية ما نجمتش نتخلص منها و قريت لنيتشة و كمل في الليسي قريت نظرية التطور و ريت الاستاذة كيفاش فسخت النموذج "الفيكسيست" و الاماركي و خلات النموذج الدارويني...بديت ندخل بعضي برجولية..فديت طلعت روحي ...ما نحبش نكون ملحد و نتبع افكار نيتشة و داروين و فرويد على خاتر قريت انها اداة لبسط السيطرة الصهيونية و نشر اللا اخلاق في البلدان غير اليهودية حسب بروتوكولات حكماء صهيون ..و ما نحبش يكون مجموعة من الاشخاص سبب في الحادي و منهم برشة من اصدقائي اللي تصدمت كسمعت بيهم ملحدين و ينطبق علي مثل"كلمة في الصباح و كلمة في العشية " تولي المسلمة يهودية" فهل انا ملحد او مسلم؟؟؟؟
Inscription à :
Publier les commentaires (Atom)
تعرفة حتى اني ساعات تمر عليا حالات كيما هكة, اما الحاجة الوحيدة اللي تشد فيا للدين هي القران, كل ما نقراه منجمش نتخيل انو كلام بشر
RépondreSupprimerيا مفعوص ما تقلقشي لانك في المسار الصحي ما دمت تقرا وتفكر ستعرف وانو الاديان حكاية فارغة في فارغة وما تندمشي على عمرك لان الاي عشت هو بسبب التنشئة الاجتماعية والتعليم
RépondreSupprimerأما نصيحة من مرا ملحدة اكثر ملي تنجم تتصور، متع روحك بالمطالعة وانت مكش ناقص أما اقرا تويك كتب "محمد الشرفي" مثلا أقرأ كتب علماء الاجتماء مثل نظرية "التطبع " لPierre BOURDIEU "Le sens pratique" ....
ابحث عن الدراسات الانتربولوجية من بداية القرن العشرين مثل التي قامت بها Marguerite Med
التي اثبتت وان الفروق مثلا الموجودة في المجتمعات بين شخصية ومواصفات الرجل والمراة هي ليست بفروق طبيعية وانما هي فروق ثقافية اي مكتسبة بالتنشئة الاجتماعية
وللحديث بقية
أنت مثلي في المرحلة الفاصلة بينهما، ربي يهدينا إذا كان موجود
RépondreSupprimerBienvenue au club !
RépondreSupprimerأنا كيفك جاء وقت تسائلت وتمعنت ونشدت وقريت
RépondreSupprimerهذه حاجة الواحد لازمه يتفخر بيها
موش يخاف منها
أنا كل ما انجم نقول هو أنه وصلت في الإخر إلى ما يلي :
- إيماني بربي كبير، ساعات نحسه قريب تقول بجنبي
- ثمة برشة حاجات وبدع وناس منسوبة للإسلام وهي ما عندها حتى علاقة بيه بل وساعات متعارضة معاه
- الدين حاجة في النهاية شخصية برشة .. ما يلزمش الواحد حاجة تهزوا وحاجة تجيبوا، وانما يعمل رأيه وحده بعد التحقيق
- بالنسبة للنقطة متاع محاسبة ربي لينا، على حسب فهمي، ديما ثمة زوز ثنايا ممكنة : وحدة باهية ووحدة موش باهية، والاانسان عنده مخي ويعمل رأيه ومبعد يتحاسب عليه .. والله أعلم
مالإخر، سهلها تسهال : الواحد يشوف آش عنده في قلبه، يحاول يعمل الخير وما يضر حد وما يتكولف في حد .. وانشاء الله زينة
@anonyme : ce qui me tourmente le plus c'est que c'est pas logique qu'un être illettrée puisse proférer des paroles comme on les trouvent dans le coran ( figures de styles , des vérités scientifiques....) ..ce qui me pousse à dire qu'il s'agit de paroles divines et non pas des dires d'un homme !!!!
RépondreSupprimer@ mra ghabia:merci !!! j'ai déjà commencé à lire les bouquins de mohammed charfi ...bdit b islam et liberté !!!!!ama sincèrement les livres de sociologie eli 9otli 3lihom ma na3rfhomch !!! j essaie de consulter ma librairie préférée pour les dénicher !!!merci quand meme !!!
@nissan : ouiii o5ti !!! merci pour ta visite w marhbé bik fi kol wa9t
@3ezedine : club !!! pk pas ???
@ ANONYME 2 : c'est ce que je vois moi aussi !!! akther 7aja ena nfed menha anou el inséne ya3mel mel croyance mte3ou "carte visite"...ça me tape sur le système franchement !!!!!
RépondreSupprimerأنت في المنزلة بين المنزلتين! هههه
RépondreSupprimerننصحك أنا زادة بالكتاب متع Pierre BOURDIEU
@anonyme
RépondreSupprimer"إيماني بربي كبير، ساعات نحسه قريب تقول بجنبي
- ثمة برشة حاجات وبدع وناس منسوبة للإسلام وهي ما عندها حتى علاقة بيه بل وساعات متعارضة معاه
- الدين حاجة في النهاية شخصية برشة "
c´est exactement ca ma méthode,
enfin de compte les regles dans la religion sont a peu pres celles de la societe ou de la loi, le reste ca exprime le devouement a la relation verticale, et qui est impregnee par l amour de dieu.
J´opte pour une vision tres pratique de le plus belle description de dieu: il est miséricordieux.
Lis beaucoup plus de livres, c´est ton droit et ta tache et tu dois développer une propre image et des opinions propre, et sois QUELQU´UN DE BIEN DANS LA SOCIéTE, c´est tout !
de toute facon c´est une forme d´amour qui se refletera dans la societe a travers tes actions!
Salam alikom,
RépondreSupprimerj'ai eu ton problème à un certain moment, et j'ai pas cherché dans les livres des athés parce que j'étais convaincu que leur base était erronné dès le début...mais plutot jai cherché ds les livre mta3 il 3a9ida ili tfahmik ehnouwa islam w echma3neha moslim...7asilo je vous conseille ce livre : http://saaid.net/book/11/3691.rar
il très intéressant, vous pouvez sauter au chapitre mta3 il 9adha wil 9adar w 7awil ta9rah ilkol winshallah rabbi inawrik w ina77alik hal hilwas. ana nfa3ni yessir, inshallah 7atta inti yanf3ik
Salam alikom
chui aussi passe par la vers l'age de 15-18 ans.
RépondreSupprimerJ'en suis sorti avec une conviction religieuse plus solide (sans pour autant renoncer a mon esprit critique)
je voudrais ajouter un truc sur la relation science-religion (puisque tu as parle d'evolution)
personellement je pense qu'essayer de discrediter le discours religieux ou de le consolidier par des realites scientifiques (i3jez) sont toutes les deux de mauvaises approches. La verite scientifique, comme la comprehension du texte religieux varient celon l'epoque et le contexte.
Ainsi on se basait au moyen age sur une certaine comprehension de la religion pour dire que c t le soleil qui tournait sur la terre. Plus tard certains se sont attaque au verset du coran decrivant le mouvement du soleil, en se basant sur la realite scientifique (desormais reconnue) que c bien la terre qui tourne autour du soleil pour enfin decouvrir que et la terre et le soleil suivent une trajectoire de mouvement bien determinee.
Tout ca pour dire qu'on ne peut pas pretendre trancher sur un tel sujet par la simple raison (que ce soit en pretendant pouvoir tout expliquer ou en discreditant le tout par de petits raisonements et des faits scientifiques qui peuvent tres probablement s'averer incomplets, voir peut etre completement faux).
Finalement on est ammene a introduire le facteur sentiment/intuition dans l'equation, chose qui pour moi est un signe d'un esprit sain, puisqü'il connait ses limites.
خويا او ولدي يا مفعوص السلام عليكم
RépondreSupprimerتحب نقلك انو الي يمر بيك وهي حالة التساؤل حول الوجود، حالة عادية وطبيعية عند المسلم الي عندو شخصية تحب التطلع، وينجم تتطور مثل هذه التساؤالات لحالة الوسواس، ولكنها حالة ماتدعيش لارتباك وتنتهي عادة للوضع الطبيعي كيف توصل لمرحلة النضج العمري، بمعنى ماتجعلش وجود التساؤلات حول وجود الخالق في حد ذاتو دليل على عدم وجود الخالق
انت كمايبدو مازلت صغير، وخارج من توك من مرحلة عيش اتسمت بالتقوى، وغير كي دخلت في واقع اخر متميز بامور انت ماكنتش تعيشها
وبعدها مانجمتش بحكم طبيعة صراع الحق والباطل في تونس وغلبة جانب الباطل، مانجمتش انك تثبت وانتهيت لمايشبه الهزيمة النفسية وبالتالي مراجعة قناعاتك
بمعنى يلزم تعرف الاسباب الي وصلاتك لحالتك التذبذب الي تعيشها، هالجانب ايضا هام واهم ربما اكثر من تناول حالتك ذاتها، لانو كيف تعرف الاسباب الي وصلاتك لوضع الشك والتذبذب، تو تعرف انو المشكلة ماهيش فيك انت وانو المشكل الي تراءالك هو مشكل مصطنع، مشكل تنتجو طبيعة واقع سطوة الباطل والياتو، وانما انت حملت اثقالا ومواجهة غير طبيعية
بمعنى انك بطبيعتك تمر بمرحلة تشبه الانحناء والتراجع عما كنت تؤمن بيه
والمرحلة هذه اولا تعكس نوع من عدم القدرة على مواجهة الواقع وسخريتو منك وقت الي كنت ملتزم
وثانيا تعني انك في مرحلة الهزيمة النفسية
وعليه، يلزم تعرف انك مادمت في مرحلة الهزيمة النفسية، فانك في وضع حساس وغير مستقر ذهنيا
وهذاكاعلاش، يلزمك تعرف ان قراراتك باش تكون بطبيعتها غير ثابتة، وتنجم ترجع من غدوة اقوى تقوى من الي كنتو قبل
ولكن ننصحك انك مادمت في مرحلة الهزيمة النفسية والانتكاسة، تبعد اكثر مايمكن عن مصادر الي ممكن تجذبك نحو الانحرافات
كما ننصحك انك تقوى جبهتك الداخلية، بالبحث عن تقوية علاقات مع ناس من هاك الملتزمين، موش ناس ساقطين منحرفين
مسالة وجود الله، هذا يا خونا موضوع اكبر منك ومني ومن الناس الكل، يا خي معقول هذا موضوع يتناقش، وهل خفي الله حتى يناقش وجوده
المخفي هو البصيرة عند الغايصين في الأوحال، لا اكثر ولا اقل
الي تخليهم ضايعين ويرددوا في اسئلة مزعومة حول وجود الله، والي مجرد تبريرات لسلوكياتهم العبثية والي ماتتقبلش حسب منظومة القيم، يولي يلقى اقصر طريق لتبرير تصوراتو، من خلال رفض اصل منظومة القيم ذاتها، بزعم الالحاد
انا متاكد انك تمر بمرحلة رجة نفسية في جالنب منها عندها اسبابها كيما معروفه عند المراهقين، الي يمرو بطبيعتهم بمرحلة التكوين والتنضيج
اما نشوف الي معدنك نظيف، ومتاكد تو يجي نهار تضحك على هاالايامات
اما فقط حافظ على نفسك انك ماتقطعش طريق العودة، بما يعنى ميسالش احسبها فترة تساؤلات وكيما قلت هذا طبيعي ومشروع اسلاميا والاسلام نفسو دعا للتفكر، ولكن الي نقصدو ماتقومش في فترة التساؤلات هذي باعمال تجعل من رجوعك للثبات من بعد صعيب
مثلا رد بالك تصحاب الفسقة وتمشي في طريقهم، او تتبع دواعي المنحرفين الي يبرروا في سقطاتهم بزعم اللاحاد
كما ننصحك انك تكثر من الدعاء لخالق هذا الكون، ادعيلو انو يثبتك على الحق
وقل
اللهم يا مقلب القلوب ثبت قلوبنا على الحق
بالنسبة للاسئلة الفلسفية الي ذكرتها وكانتلك مصدر زعزعة نفسية، والي يتكى عليها الملحدين المنحرفين، يلزم تعرف انو الاسئلة هذيكة ماتجي شيئ وماهيش جديدة ووجودها ذاتو مايعنيش الحاد، بل هي اسئلة طبيعية، والمسلم يلزم يقراها وهو مطمان، ثم ان الاسئلة هذيكة الكلها عندها اجوبة بما يعني انو المسلمين من قبل واجهو الاسئلة الي تطرح انت فيها واكثر وردو عليها من غير ماتخليهم الاسئلة هذيكة داخلين بعضهم
وننصحك كان تحب الغوص في الجوانب الفلسفية، اقرا الموسوعة الفلسفية الي هي في شكل كتاب تفسير القران
و هالكتاب هو التفسير الكبير للفخر الرازي، تو تحير من الاسئلة المطروحة والي قام بنقاشها والرد عليها الفخر الرازي ووضحها، بكل ثقة بالنفس وبكل الاطمئنان لحد انو كلن يقوم بعرض الشبهات بشكل مفصل، وقام بالرد عليها، وتو تلقاه رد على الاسئلة الي طرحتها انت وغيرها
بل وكثقة منه في نفسه باعتباره مسلما وعالم زمانه وعالما على مدار التاريخ الاسلامي، كان كل مرة يوضح في اعتراضات وشبهات الي يرفضوا الاسلام بشكل ماتتصوروش، حتى ان الفخر الرازي رحمه الله وقع لومه في هذه لنقطة بمعنى قالو لو كيفاش تقوم بتوضيح وتفسير اراء الي مايؤمنوش بالاسلام بهالوضوح الكل لكانك تؤمن بالي يقولو فيه، ولكن علمو وثقتو من ان الله اوضح من ان يناقش وجوده، كان يقول، انني اعرف علوم المعترضين اكثر ممايعرفونها انفسهم
ويرد عليها ويسفه اقوالهم واعتراضاتهم
كيف تقرا هاك الاسئلة، وتلقى علماء الفوا مجلدات في الرد عليها تو يزيدك هذاك يقين
لكن كيما قتلك يلزمك تقوية الجبهة الداخلية بالدعاء وتقوى الله
merci beaucoup !!!!! je vais essayer de voir le livre de raazi !!! ya3tik sa77a w marhbé bik fi kol wa9t !!!!!
RépondreSupprimer